Värsli zum lernä für d'Chind.

Liebs Mami, liebe Papi


Der Samichlaus hört fürs Leben gern ein Verslein oder ein Gedicht von den Kindern. Es gibt viele schöne davon. Nur ein Värsli hört er nicht mehr so gern: "Sami, niggi, näggi...". Wenn das dann noch von einem grossen Kind vorgetragen wird, kann auch der ruhigste Samichlaus seine leise Enttäuschung nicht verbergen.


Nachfolgend haben wir einige Värsli notiert, die sich eignen. Sortiert haben wir sie auch gleich ungefähr nach Alter, damit euch die Auswahl einfacher fällt. Nicht jedes Kind lernt gleich schnell oder ist gleich begabt. Die Altersangaben sind also nur ein Leitfaden. Die Värsli stammen zum Teil aus Besuchen vom Samichlaus und aus dem Buch "Wie schön isch doch die Wienachtszyt" von Lisbeth Gsell-Isler.


Immer wieder kommt es vor, dass ein Kind ein Värsli hinderschi und fürschi aufsagen kann, wenn dann aber der Samichlaus in der Stube sitzt, ist alles ganz anders und kein Ton des lang gelernten Versleins ist mehr hinter den staunenden Kinderaugen vorhanden. Der Samichlaus kennt diese Situation. Seid dem Kind nicht böse, wenn es ihm die Sprache verschlägt. Ein Jahr später funktioniert es dann sicher besser. 

 

Dä Samichlaus

Alter 2 Jahre

Samichlaus du liebe Maa
Dörfi au es Nüssli haa

Alter 3 Jahre

Samichlaus , ich bi so froh,
dass du hütt zu mir bisch cho.
Du weisch, ich tue gärn Nüssli ässe,

häsch mis Seckli nöd vergässe?

*

Samichlaus du bisch en Guete,
gäll ich bruche gwüss kei Ruete.
Läär lieber hüt i eusem Huus
de allergröschti Chlaussack uus.

*

Samichlaus du liebe Maa
du weisch ja, das ich gfolget haa.
Du weisch au, das ich Guetzli mag,
drum gfallt mir halt de Chlausetag.

Alter 4 Jahre

Samichlaus wo chunsch du här?
Werum isch au din Sack so schwär?
Bisch de ganzi Wald dur gloffe?
Häsch vilicht s'Chrischtchindli troffe?
S'hät sicher gseit es chömi au scho gli.
Gäll Chlaus, ich bin e(n) Liebi(e) gsi.

*

Samichlaus, wo chunsch du här?
700 Stund wiit här.
Samichlaus, isch s’Seckli schär?
700 Pfund ischs schwär
Samichlaus, machs weidli läär,
dänn isch dis Seckli nüme schwäär


Alter 5 Jahre

Samichlaus ich bin en Bengel,
schläcke so gern Zuckerstängel.
Chönt immer Schoggi schnabuliere,
möcht alli Guetzli uusprobiere.
Uf Chueche hani Appetit,
Chaugummi chätsche isch en Hit.
Nur öppis liit mir zimli fern,
Zähputze tuen i gar nöd gärn.

*

Samichlaus, so chum doch ie,
muesch nöd verusse stoh.
Warum häsch du din Schmutzli
wieder mit dir gno?


Han i öppe zwenig gfolget
s'ganz Johr us und ii?
Ich chan halt au nöd jede Tag
es artigs Bürschtli (Meitli) sii.

*

Samichlaus, ich bi no chlii
und mache mängs verchert
aber übers Jahr han ich
besser folge glehrt.


Chasch d'Fitze wieder mit dir näh,
gäll, ich bruche keini,
hett lieber Mandarinli
so süessi und so feini.

Alter 6 Jahre

Es Liechtli brännt im Tannewald,
was sött au das bedüüte?
Chund ächt de Samichlaus scho bald?
ich ghör es Glöggli lüüte.

 

Es isch de Chlaus mit scherem Schritt,
chömed, lueged gschwind!
Er treit en Sack vol Nüssli mit,
für alli liebe Chind.

*

Samichlaus weisch no,
wo du fern zu mir cho bisch?
Won ich mich vor luuter Angscht
versteckt han underem Tisch?

Mit eme Chlausesäckli
häsch mi den füre glockt,
susch wäri glaub die ganzi Nacht
no det une ghockt.

*

Samichlaus es isch halt schwär,
all Tag artig z'sii
Sicher chunsch du hüt bi mir
mit em grosse Buech verbii.

Nöd immer isch mers Folge glunge,
so, wien ichs han welle
Gäll Samichlaus, du weisches scho,
ich mues Dir nüt verzelle.

Wenn'd aber a dim grosse Sack
nümm so schwär wettsch träge,
so würd ich für e Hampfle Nusse
härzlich danke säge.

Alter 7 Jahre

Samichlaus i welem Hüsli
bisch ächt Du dihei?
Wohnsch Du im tüfe Tannewald
am Änd no ganz elei?
Oder hilft dir s'Eseli
s'Johr dur d'Ziit vertriibe?
Säg Samichlaus, werum wottsch Du
nöd eifach bi eus bliibe?

Mir Chinde chönted Dir doch hälfe
Grittibänze bache
und all die vile Seckli fülle
mit de feine Sache.
Mir würded dänn au artig sii
und gar nümme striite,
damits dir guet gfallt bi eus
für alli alli Ziite.  

*  

Von draus vom Walde komm ich her,
ich muss euch sagen es weihnachtet sehr.
Und auf den Tannenspitzen
sah ich lauter goldene Lichtlein blitzen.
Von draus vom Walde komm ich her,
Ich sage euch der Samichlaus freut sich sehr

*

Was rumplet au so heftig?
Was ghört mer uf de Stäge?
Chunt ächt de Samichlaus uf Bsuech?
Ich wirde ganz verläge

Scho schtoht er i de Stube
ich fürcht mich fascht echli.
Aber nei, ich merke bald,
er lueged jo früntli drii.

Gäll Chlaus, du meinsches jo nur guet,
verstohsch die vile Chind
wo s'Johr dur echli striited
und nöd immer folgsam sind.

Du stecksch si wohl nöd grad in Sack
und treisch sie eifach furt,
mängmol gnüegt doch sicher au
es mahnends, güetigs Wort

*

S'isch Chlausetag, s'isch Chlausetag
wie freu ich mich, juhee!
Ich han de Chlaus vo wiitem scho
durs Stubefeischter gseh.
Doch woni jetz die schwere Schritt
ghöre vor de Tür,
schloht mis Härzli grad wie wild,
ich chan au nüt defür.

Mit eme schüüche Stimmli
säg ich mis Sprüchli uuf
und vor luuter Pöpperle
fehlt mir fascht de Schnuuf.
Do leert de gueti Samichlaus
sin Sack us uf de Bode.
Jetzt loht de Schrecke no,
ich cha mich wieder rode.